Konsert med Andrea Søgnen og Lars Fivelstad Smaaberg

Andrea Søgnen og Lars Fivelstad Smaaberg er begge frå Gol, og har dei siste åra markert seg som sterke utøvarar innan folkemusikk og folkedans.

Andrea Søgnen (25) er ein av landets fremste langeleikspelarar og ein sentral formidlar av langeleiktradisjonen frå Hallingdal. Ho har ein særeigen spelestil som utforskar klang, groove og nye uttrykk i instrumentet. Søgnen var den første som fullførte bachelor i folkemusikk med langeleik som hovudinstrument ved Universitetet i Sørøst-Norge, campus Rauland (2023), og har fått fleire utmerkingar, mellom anna Statens kunstnerstipend (2025) og fleire sigerar på Landskappleiken (2019, 2024 og 2025).

Lars Fivelstad Smaaberg er kvedar og dansar med sterke røter i Hallingdal-tradisjonen. Han er kjend for si klåre, varme stemme og engasjerte formidling av lokale song- og forteljingstradisjonar. Han har bakgrunn frå Raulandsakademiet og ein historiegrad frå Bergen, og er ein ettertrakta utøvar og instruktør for både born og vaksne.